मावळ - लॉकडाऊन मुळे कंबरड मोडलेल्या शेतकरी राजा ने आता उभारी घ्यायला सुरुवात केली आहे. मावळ (Maval) मधील कालेगाव पवनानगर  येथील शेतकरी (Farmer) रोहिदास कालेकर यांनी दीड  एकर शेतात यशस्वी टोमॅटो चे पीक घेतले आहे. औषध आणि खता करीत दोन लाख रुपये खर्च आला. खर्च वजा करता दीड एकरात सुमारे साडेसहा लाखांचा निव्वळ नफा मिळवला आहे.

हे देखील पाहा -

सध्या टोमॅटोला बाजारात चांगला भाव मिळत असल्याने मावळ मधील टोमॅटो उत्पादन घेणारे शेतकरी उभारी घेऊ लागले आहेत. कालेकर यांनी दीड एकर मध्ये टोमॅटो पिकासाठी सुमारे पाच हजार रोपे लावली. त्यानंतर सरी तयार करून त्याला बांबू च्या साह्याने बईंडींग वायर बांधून आधार दिला. सरी तयार करीत असताना घरातील लोकांची मदत केली. त्यामुळे कामगारांना मजुरीची लागणाऱ्या पैशांची बचत झाली.

लॉकडाउन मध्ये शेतकरी राजाने टोमॅटो पीक घेतले परंतु संपूर्ण टोमॅटो बाजार बंद असल्याने फेकून द्यावे लागले आणि त्यामुळे मोठ्या प्रमाणात आर्थिक नुकसान मागच्या दोन वर्षात सोसावे लागले. परंतु आता बाजारात चांगली स्थिती निर्माण झाल्यामुळे पुन्हा एकदा खचलेला शेतकरी राजा उभारी घेऊ लागला आहे.

Edited By - Shivani Tichkule