वाशिम : सोयाबीनचा Soybean हंगाम जवळ आला आणि सोयाबीनचे दर मोठ्या प्रमाणात कोसळले जवळपास दहा हजारावर असणारा दर पाच हजारांवर आल्यामुळे सर्व सोयाबीन उत्पादक अत्यंत निराश झाले आहेत आणि त्यांच मोठ नुकसान ही या पडलेल्या दरांमुळे होणार आहे.(Soybean growers march on Collector's office)

हे देखील पहा -

सोयाबीन उत्पादक शेतकरी संकटात सापडला आहे. सोयाबीन ला सरसकट 10 हजार रुपये दर मिळावा शिवाय हमी भावापेक्षा कमी दराने खरेदी करणाऱ्या व्यापाऱ्यांवर कठोर कारवाई व्हावी, जिल्ह्यात ओला दुष्काळ Wet drought जाहीर करून नुकसान झालेल्या शेतकऱ्यांना भरीव मदत करावी या प्रमुख मागण्यासह शेतकऱ्यांच्या विविध मागण्यांसाठी वाशिम Washim जिल्ह्यातील सोयाबीन उत्पादक शेतकऱ्यांच्या वतीनं रस्त्यावर उतरून मोर्चा काढण्यात आला होता.

स्थानिक शिवाजी चौकातून सुरू झालेला मोर्चा जिल्हाधिकारी कार्यालयावर धडकला यावेळी हजारो शेतकरी या मोर्चात सहभागी झाले होते. विशेष म्हणजे जोरदार पावसात ही आपल्या न्याय हक्कासाठी शेतकरी रस्त्यावर उतरून आपल्या मागण्याचे निवेदन जिल्हाधिकारी यांना देण्यात आलं आहे.

Edited By - Jagdish Patil