सांगली : सांगली शहरासह परिसरामध्ये मंगळवारी अवकाळी पावसाने जोरदार हजेरी लावली. या पावसामुळे द्राक्ष बागांचे नुकसान झाले आहे. सांगलीच्‍या मिरज पूर्व भागात मोठ्या प्रमाणात नुकसान झाले आहे. (sangli-news-Untimely-rains-locks-of-vineyards-worth-lakhs-of-rupees)

गेल्या दोन दिवसांपासून जिल्ह्यामध्ये ढगाळ वातावरण आहे. आजही ढगाळ वातावरण जिल्ह्यात आहे. याचा फटका द्राक्ष बागेला बसला आहे. मिरज पूर्व भागात द्राक्ष बागांनी बहर धरला आहे. त्यात मंगळवारी झालेल्‍या अवकाळी पावसाने द्राक्ष घड कुजीची शक्यता वर्तवली जात असल्याने शेतकरी चिंतेत आहे.

फुलोरा कुजण्याची भीती

एकीकडे कोरोना महामारीमध्ये फटका बसल्यानंतर द्राक्ष बागायतदार कसाबसा यंदा द्राक्ष बाग जोमात आली आहे. मात्र गेल्या काही दिवसांपासून ढगाळ वातावरण आणि अधून मधून पावसाच्या सरीमुळे शेतकरी चिंतेत आहे. त्यात काल पडलेल्या अवकाळी पावसाने फुलोरामध्ये आलेल्या बागा कुजण्याची भीती आहे. काहींची ७० टक्के तर काहींची शंभर टक्के बागा वाया जात आहेत. शासनाने पंचनामे करून नुकसान भरपाई द्यावी अशी मागणी शेतकरी करत आहे.