छत्रपती संभाजीनगर : छत्रपती संभाजीनगर जिल्ह्यातील पैठणच्या वडजी येथील एका ३१ वर्षीय महिलेवर बिबट्याने प्राण घातक हल्ला केला. शेतात काम करत असताना बिबट्याने हल्ला केल्याची घटना घडली असून यात महिला जखमी झाली असून रुग्णालयात उपचार सुरु आहेत. 

रेणुका विठ्ठल वीर (वय ३१) असे बिबट्याच्या हल्ल्यात जखमी झालेल्या महिलेचे नाव आहे. (sambhajinagar) अन्न पाण्याच्या शोधात वन्यप्राणी गावशिवाराकडे येत आहेत. यामुळे गावशिवारात बिबट्याचा वावर वाढला आहे. अनेकांना शेतशिवारात बिबट्या निदर्शनास पडला होता. दरम्यान शेतामध्ये कापूस वेचणीचे काम सुरु असून रेणुका वीर ह्या आपल्या शेतामध्ये मुलांसह कापसाची वेचणी करण्याचे काम करत होत्या. 

कापूस वेचणीच्या कामात व्यस्त असताना पाठीमागून अचानक (Leopard Attack) बिबट्याने त्यांच्यावरती प्राणघातक हल्ला चढवला. यामध्ये रेणुका यांच्या पायाला आणि हाताला जखम झाली आहे. आईवर बिबट्याने हल्ला केल्याचे पाहून मुलांनी आरडा ओरड केल्यानंतर बिबट्याने त्या ठिकाणाहून पळ काढला. यानंतर रेणुका यांना रुग्णालयात उपचारासाठी दाखल करण्यात आले आहे.