परभणी : पाण्याअभावी शेतात ऊसाचे पीक वाळत आहे. शिवाय डोक्यावर कर्जाचा डोंगर असल्याने सतत विवंचनेत असलेल्या एका अल्पभूधारक (Farmer) शेतकऱ्याने गळफास घेऊन आत्महत्या केली. ही घटना शनिवार (Parbhani) रोजी पाथरी तालुक्यातील वाघाळा येथे घडली. (Latest Marathi News)

वाघाळा (ता. पाथरी) येथील बाबुराव योगाजी भंडारे (वय ५५) असे आत्महत्या केलेल्या शेतकऱ्याचे नाव आहे. बाबुराव भंडारे यांच्या नावे वाघाळा शिवारामध्ये गट क्रमांक २६३ मध्ये १ हेक्टर ५५ गुंठे शेती आहे. त्यांना तीन मुली, एक मुलगा, पत्नी, सुन असा परिवार आहे. तिन्ही मुलींचे लग्न झाले आहे. शेतकऱ्याने स्टेट बँक ऑफ इंडियाचे कर्ज होते. परंतु शेतातून उत्पन्न न आल्याने कर्ज कसे फेडायचे या विवंचनेत भंडारे होते. यातूनच त्यांनी आत्महत्या केली आहे. 

पंचनामा करत मृतदेह शवविच्छेदनासाठी पाथरी ग्रामीण रुग्णालयात पाठविण्यात आला. मयत शेतकऱ्याचे जावई परमेश्वर नवघरे यांच्या खबरीवरुन पाथरी पोलिसात अकस्मात मृत्यूची नोंद करण्यात आली आहे.