अजय सोनवणे 

मनमाड (नाशिक) : नाशिकच्या कसमा पट्ट्यात सध्या शेतकऱ्यांची उन्हाळी कांदा काढण्याची लगबग सुरु झाली आहे. (Nashik) मार्केटमध्ये सध्या कांद्याला अपेक्षित दर मिळत नाही. यामुळे कांद्याचे दर वाढतील या अपेक्षेने (farmer) शेतकरी कांदा मार्केटला न नेता चाळीमध्ये साठवणूक करण्यावर भर देत आहे. (Live Marathi News)

नाशिक, मनमाड परिसरात कांद्याची मोठ्या प्रमाणात लागवड केली जात असते. मात्र मागील वर्षी कसमादे पट्ट्यात झालेल्या अवकाळी पावसाने उन्हाळी (Onion) कांद्याचे मोठ नुकसान झाले होते. आता देखील अवकाळी पावसाची शक्यता वर्तविण्यात येत असल्यामुळे शेतकऱ्यांना पुन्हा अवकाळीची धास्ती आहे. यामुळे तीव्र उन्हात सुध्दा मजुरांची जुळवणी करत शेतकऱ्यांची कांदा काढणीसाठी लगबग सुरु झाली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सध्या उन्हाळी कांद्याला सरासरी १५०० रुपये दर मिळत असला तरी आगामी काळात भाव वाढतील ;या आशेवर शेतकरी काढलेला कांदा चाळीत साठवण्यावर भर देत आहे. उन्हाळी कांदा सहा महिने टिकत असल्याने गरजेच्या वेळी टप्प्याटप्प्याने शेतकरी तो बाजारात विक्रीला नेत असतो. त्यामुळे सध्या कांद्याचे आगार म्हणून ओळखल्या जाणाऱ्या कसमादे पट्ट्यात कांदा काढणीला वेग आला आहे.