भंडारा : विद्युत बिलाचे देय भरण्यासाठी पैसे नसल्याने भंडारा जिल्ह्याच्या लाखांदूर तालुक्यातिल तावशी येथे एका शेतकऱ्याने गळफास लावून आत्महत्या केली. या घटनेची माहिती स्थानिकांनी पोलिसांना दिल्यानंतर पाेलिस घटनास्थळी दाखल झाले. पंचनामा करुन शेतक-याचा मृतदेह शवविच्छेदनासाठी पाठविल्या असून अधिक तपास करीत आहाेत अशी माहिती पाेलिसांनी दिली.

कृषि पंपाच्या थकीत विज बिलासह घरगुती विजेच्या बिलाचा भरणा करणे शक्य झाले नसल्याने आलेल्या विवंचनेतून युवा शेतकऱ्याने झाडाला गळफास घेऊन आत्महत्या केल्याची घटना भंडारा जिल्ह्याच्या लाखांदूर तालुक्यातील तावशी येथे घडली आहे. ईश्वर काशीराम भुसारी (वय ३८) असे मृत पावलेल्या शेतकऱ्यांचे नाव आहे.

ईश्वर ह्यांच्या मालकीच्या शेतात कृषि पंप असून राहत्या घरी देखील वीज जाेडणी आहे. त्यांच्यावर कृषि पंपाच्या थकित विज बिलासह घरगुती विजेच्या बिलाचे ४० हजार रूपये थकले आहे. बिल भरण्यासाठी पैसे उपलब्ध होत नसल्याने काही दिवसांपासून ते तणावात होते. अखेर आर्थिक विवंचनेतुन घरामागील पळसाच्या झाडाला इलेक्ट्रिक वायरने त्यांनी गळफास लावून आत्महत्या केली. ह्याची माहिती पोलिसांना देण्यात आली असून पंचनामा करीत मृतदेह शवविच्छेदनासाठी पाठविण्यात आला आहे. ईश्वर ishwar bhusari यांच्या अचानक जाण्याने तावशी गावात शोककळा पसरली आहे.

edited by : siddharth latkar