जामनेर (जळगाव) : ओझर (ता. जामनेर) येथील ४२ वर्षीय शेतकऱ्याने कर्जाला कंटाळून विष प्राशन करून (Suicide) आत्महत्या केली. गजानन नारायण महाजन असे मृत शेतकऱ्याचे नाव आहे. (Jalgaon News Farmer Suicide)

गजानन महाजन यांची वडिलोपार्जित तीन एकर शेतजमीन आहे. मात्र, अस्मानी संकट, सततची नापिकी यामुळे उत्पन्न हाती येत नसताना कर्जाचा डोंगर वाढत होता. त्यामुळे कुटुंबाचा उदरनिर्वाह करणे अवघड झाल्या टोकाचा निर्णय घेत राहत्या घरात विष प्राशन (farmer Suicide) करून जीवनयात्रा संपवली. त्यांना उपजिल्हा रुग्णालय जामनेर येथे आणल्यानंतर उपचारांती त्यांचा मृत्यू झाला. त्यांच्या पश्चात पत्नी, मुलगा, मुलगी असा परिवार आहे. (Jamner) जामनेर उपजिल्हा रुग्णालयात वैद्यकीय अधीक्षक आर. के. पाटील, वैद्यकीय अधिकारी जयश्री पाटील यांनी शवविच्छेदन करून मृतदेह नातेवाईकांच्या ताब्यात दिला. जामनेर पोलिसात अकस्मात मृत्यूची नोंद करण्यात आली आहे.