चाळीसगाव (जळगाव) : देवळी (ता. चाळीसगाव) येथील रहिवासी ७२ वर्षीय शेतकऱ्याने (Farmer) शेतात विषारी द्रव्य प्राशन करुन आत्महत्या केल्याची घटना आज सकाळी सहाच्या सुमारास घडली. विक्रम शिवराम पाटील यांना दोन मुले असून ती मुकबधीर आहेत. (Breaking Marathi News)

देवळी -डोण रस्त्यावर विक्रम पाटील यांची (Chalisgaon) अवघी दोन एकर कोरडवाहू शेती असून त्यावर त्यांच्या कुटुंबाचा चरितार्थ चालायचा. शेतीतून अपेक्षित उत्पन्न मिळत नसल्याने त्यांनी खासगी सावकारांसह (Bank) बॅंकेकडूनही कर्ज घेतले होते. कर्जाची परतपेढ केली जात नसल्याने विक्रम पाटील हे गेल्या काही दिवसांपासून व्यथित होते. आज पहाटे सहाच्या सुमारास ते शेतात गेले.

गळफास नंतर घेतले विषारी द्रव्‍य

सुरवातीला त्यांनी गळफास घेण्याचा प्रयत्न केला. मात्र, हा प्रयत्न असफल झाल्याने त्यांनी विषारी द्रव्य प्राशन करुन आपली जीवनयात्रा संपवली. बराच वेळ होऊनही विक्रम पाटील घरी न आल्याने त्यांच्या पत्नीने आपल्या पुतण्याला त्यांना पाहण्यासाठी शेतात पाठवले. यावेळी विक्रम पाटील यांनी विषारी द्रव्य प्राशन केल्याचे उघडकीस आले. कर्जाला कंटाळून त्यांनी आत्महत्या केल्याचे कुटुंबीयांनी सांगितले. त्यांच्या पश्‍चात पत्नी, सुनील व शरद पाटील हे दोन मुकबधीर मुले आहेत.