बोदवड (जळगाव) : हिंगणा (ता. बोदवड) येथील शेतकऱ्याने कर्जाला कंटाळून विषप्राशन करून आत्महत्या (Suicide) केली. कैलास नामदेव पाटील (वय ४४) असे मृत शेतकऱ्याचे नाव आहे. (Jalgaon News Farmer Suicide)

कैलास पाटील यांचे हिंगणा (Jalgaon) परिसरात शेत असून, सततच्या नापिकीमुळे कर्जाचा डोंगर वाढत होता. विविध कार्यकारी सोसायटीचे देखील त्यांच्यावर कर्ज होते. या कर्जाला कंटाळून त्यांनी विषारी द्रव्य प्राशन करून आत्महत्या (Farmer Suicide) केली. त्यांना उपचारासाठी मुक्ताईनगर (Muktainagar) येथे शासकीय रुग्णालयात दाखल करण्यात आले. तेथून जळगाव शासकीय रुग्णालयात उपचारासाठी नेले. तेथे त्याच्यावर उपचार सुरू असतानाच त्यांची प्राणज्योत मालवली. त्यांच्या पश्चात पत्नी, मुलगा व तीन मुली असा परिवार आहे.