मुसळधार पावसाने अमरावतीतील जनजीवन विस्कळीत; शेतीचे प्रचंड नुकसान अरुण जोशी
ऍग्रो वन

मुसळधार पावसाने अमरावतीतील जनजीवन विस्कळीत; शेतीचे प्रचंड नुकसान

मागील दोन- तीन दिवसांतील जोरदार पावसामुळे अमरावती जिल्ह्यात मोठ्या प्रमाणात घरांची पडझड झाली

अरुण जोशी

अमरावती : मागील दोन- तीन दिवसांतील जोरदार पावसामुळे अमरावती जिल्ह्यात मोठ्या प्रमाणात घरांची पडझड झाली असून, शेतीलाही मोठ्या प्रमाणात फटका बसला आहे. १४ पैकी ६ तालुक्यात शेतीचे नुकसान झाले आहे. चांदूरबाजार वगळता इतर सर्व तालुक्यांमध्ये घरांची पडझड झाली आहे. जिल्हा प्रशासनाच्या प्राथमिक अहवालानुसार जिल्ह्यातील ८८० हेक्टर शेती खराब झाली आहे. तर ३६९ घरांची पडझड झाली आहे.

यापैकी ९ घरे पूर्णत: पडली असून ३६० घरांचे नुकसान झाले आहे. शेतीचे सर्वाधिक नुकसान दर्यापूर तालुक्यात झाले आहे. या तालुक्यातील ५५५ हेक्टर मधील पीक खराब झाले आहे. त्या खालोखाल १२० हेक्टर शेती पिके धामणगाव रेल्वे तालुक्यात खराब झाली आहेत. नांदगाव खंडेश्वर तालुक्यातील ९२, तर वरुड तालुक्यातील ७८, मोर्शी तालुक्यातील २० आणि अंजनगाव सुर्जी तालुक्यातील १५ हेक्टर मधील शेतीपिके मोठ्या प्रमाणात खराब झाली आहेत.

हे देखील पहा-

अशाप्रकारे जिल्ह्याच्या ६ तालुक्यातील ८८० हेक्टर मधील पिके मोठ्या प्रमाणात खराब झाली आहेत. मागील चार दिवसांपासूनच्या पावसामुळे जिल्ह्यातील १२१ गावांमध्ये कहर झाला आहे. धामणगाव रेल्वे, भातकुली आणि तिवसा तालुक्यातील अनुक्रमे २७,२३ आणि २२ गावांमध्ये पावसाने अक्षरश: मोठ्या प्रमाणात थैमान घातले आहे. यामुळे अनेक महसूल मंडळात अतिवृष्टी नोंद करण्यात आली आहे.

या अतिवृष्टीमुळे ३६९ घरांची पडझड झाली. यापैकी अमरावती आणि नांदगाव खंडेश्वर तालुक्यातील प्रत्येकी तीन तर वरुड, दर्यापूर आणि अंजनगाव सुर्जी तालुक्यातील प्रत्येकी एक अशाप्रकारे ९ घरे पूर्णत: कोलमडली आहेत. तर ३६० घरांना मोठ्या प्रमाणात फटका बसला आहे. फटका बसलेल्यांमध्ये सर्वाधिक ८७ घरे तिवसा तालुक्यातील असून भातकुली तालुक्यातील ७६, नांदगाव खंडेश्वर तालुक्यातील ५१, तर अमरावती तालुक्यातील ४९ आणि दर्यापूर तालुक्यातील ३३ गावांचा समावेश करण्यात आले आहे.

Edited By- Digambar Jadhav

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

दारूचे पैसे न दिल्याने पेट्रोल पंपावरील कर्मचाऱ्यांना बेदम मारहाण; घटना CCTVत कैद

Bus Accident : भीषण अपघात; प्रवाशांनी भरलेली बस १५ फूट खोल नदीत कोसळली, दोन जणांचा मृत्यू, २५ जण जखमी

Stamp Duty Government Decision: फडणवीस सरकारचा मोठा निर्णय, सर्वप्रकारच्या प्रतिज्ञापत्रासाठी लागणारे ₹500 चे मुद्रांक शुल्क माफ

Manoj Jarange: विठ्ठला... सरकारला सद्बुद्धी दे, मराठा आरक्षण लवकर मिळू दे, जरांगे पाटलांचे साकडे|VIDEO

Maharashtra Live News Update: शिर्डी माझे पंढरपूर! आषाढी निमित्ताने शिर्डीत साई भक्तांची मांदियाळी

SCROLL FOR NEXT