बीड - जिल्ह्यातील अनेक भागात संततधार पावसाने Rain काढणीला आलेले मूग, उडीद व खरीप पिके Crop धोक्यात आली आहेत. ऐन काढणीच्या वेळी पाच ते सहा दिवसांपासून संततधार पाऊस सुरू आहे. त्यामुळे मूग आणि उडीद पिकाच्या शेंगा कुजून गळू लागल्या आहेत. तसेच काही ठिकाणी भिजल्यामुळे शेंगा उगवूंन येऊ लागल्या आहेत. सततच्या पावसाने पुरेशा सूर्यप्रकाशाअभावी शेंगांना कीड लागत असून पावसाच्या पाण्याने शेंगा सडत असल्याचे चित्र निर्माण झालं आहे.

हे देखील पहा -

तर दुसरीकडे कापसावरही मावा, तुडतुड्यांचा प्रादुर्भाव झाला आहे. सुरुवातीला पेरणीयोग्य पाऊस झाल्याने पिके जोमाने आली. मात्र, ऐन फळधारणेच्या वेळेत, पावसाने ओढ दिल्याने, उडीदाचे उत्पन्न घटले. त्यात आता काढणीला सुरुवात करायची तोच, संततधार पावसाने मूग, उडीद या खरीप पिकांचे मोठ्या प्रमाणावर नुकसान होत असून, नुकसानीची भरपाई मिळावी, अशी मागणी शेतकऱ्यांकडून होत आहे.

Edited By - Shivani Tichkule