धुळे : धुळे कृषी उत्पन्न बाजार समिती सोमवारपर्यंत बंद केला आहे. बाजार समिती बंद असल्यामुळे लिलाव देखील बंद झाल्याने आता (Onion) कांदा उत्पादक शेतकरी (Farmer) अडचणीत सापडला आहे. (Breaking News)

डॉ. बाबासाहेब आंबेडकर जयंती त्याचबरोबर विकेंड यामुळे सलग आलेल्या सुट्ट्यांमुळे कृषी उत्पन्न बाजार समिती बंद राहिल. यामुळे कांदा उत्पादक शेतकऱ्यांची चांगलीच कोंडी झाली आहे. एकीकडे कांद्याला भाव मिळत नसताना, तो कांदा देखील कृषी उत्पन्न बाजार समिती बंद असल्यामुळे लिलाव बंद आहेत. आणि त्यामुळे शेतात काढून ठेवलेला कांदा बाजार पेठेमध्ये विकता येत नाहीये आणि त्यामुळे शेतकऱ्यांमुळे चांगलाच पेच निर्माण झाला आहे.

किरकोळ विक्री करावी लागेल

धुळे कृषी उत्पन्न बाजार समिती सोमवारपर्यंत बंद असल्यामुळे लिलाव बंद आहे. त्यामुळे शेतातून काढून ठेवलेला कांदा हा शेतकऱ्यांना सोमवारपर्यंत बाजारपेठेमध्ये विकता येणार नाही. तोपर्यंत रस्‍त्‍यावर किंवा बाजारात दुकान लावून कांद्याची किरकोळ विक्री करावी लागेल.