धुळे : धुळे जिल्‍ह्यातील काही भागात सोमवारी संध्याकाळी अवकाळी (Rain) पाऊस झाला. यामुळे शेती पिकांचे मोठ्या प्रमाणात नुकसान झाले आहे. अचानक झालेल्या अवकाळी पावसामुळे पिकांचे झालेल्‍या (Dhule News) नुकसानीची पाहणी जिल्‍हा परिषद अध्‍यक्षांनी केली. (Maharashtra News)

धुळे तालुक्यातील नेर, कुसुंबा यासह जिल्ह्यातील विविध ठिकाणी अवकाळी पावसाने हजेरी लावली आहे. त्यामुळे गहू, हरभरा या पिकांचे मोठ्या प्रमाणात नुकसान देखील झाले आहे. यावेळी मोठ्या प्रमाणात गव्हाचे पीक जमीनदोस्त झाले असल्याचे दिसून आले आहे. या नुकसानीची पाहणी करण्यासाठी जिल्हा परिषदेचे अध्यक्ष अश्विनी पवार तसेच नेरचे माजी सरपंच शंकरराव खलाणे व जिल्हा परिषदेचे अधिकारी नुकसानग्रस्त शेतीच्या बांधावर पाहणी करण्यासाठी पोहोचले.

पंचनामे करण्याच्‍या सुचना

गहू व हरभरा या पिकांचे पावसामुळे मोठ्या प्रमाणात नुकसान झाले आहे. यामुळे कृषी विभागाने लवकरात लवकर नुकसानग्रस्त पिकांचे पंचनामे करावेत अशा सूचना जिल्हा परिषद अध्यक्षांतर्फे देण्यात आल्या आहेत.