विनोद जिरे

बीड: बीडच्या महाराष्ट्र ग्रामीण बँकेच्या कोळगाव शाखेमध्ये, धक्कादायक प्रकार समोर आला आहे. पीक कर्जासाठी शेतकऱ्याच्या 9 एक्कर जमिनीवर बोजा चढवला, मात्र त्या शेतकऱ्याला पीक कर्जचं दिलं नाही.

हे देखील पहा-

दादासाहेब हाकाळे रा. तांदळा ता. गेवराई असं त्या शेतकऱ्याचं नाव आहे. शेतकरी दादासाहेब हाकाळे या शेतकऱ्यांनी, पीक कर्ज काढण्यासाठी सातबारा, दोन हजाराचे स्टाँप पेपर आणुन दिले. बेबाकी पत्र, कागदपत्रे दाखल करण्यात आले.

आज होईल उद्या होईल एक महिना झाला आहे. परंतु बँकेच्या टाळाटाळीमुळे मोठा त्रास सहन करावा लागतो. अनेक कागदपत्रांची जुळवाजुळव करुन आपली फाईल दादासाहेब हकाळे यांनी सादर केली आहे. तर बॅक शाखा व्यवस्थापकाने सदर शेतकऱ्यांच्या जमिनीवर तलाठ्याकडे लेखी पत्रव्यवहार करून बोजा चढवला.

पण शेतकऱ्यांच्या खात्यावर पैसे जमा केले नाही. यासह तांदळा येथील हनुमान हकाळे, अंनता हकाळे,मधुकर सिरसट व इतर शेतकऱ्यांना पण अशाच प्रकारे पीककर्जापासून वंचित ठेवल्याचे, तांदळा येथील शेतकरी हनुमान हकाळे यांनी सांगितले. यामुळं पीककर्ज तात्काळ द्यावं, अशी मागणी शेतकरी करत आहेत.

Edited By-Sanika Gade