बीड : परतीच्या पावसाने शेतकऱ्यांचे पिकं उद्धवस्त झाले आहेत. यामुळे शेतकरी अडचणीत सापडलाय. दिवाळी तोंडावर आहे. त्यामुळे सरकारने आता (Beed) बीड जिल्ह्यातील शेतकऱ्यांना न्याय द्यावा. पंचनाम्यात वेळ न घालवता, आता सरसकट नुकसान भरपाई द्यावी; अशी मागणी बीडच्या भाजप खासदार प्रीतम मुंडे (Pritam Munde) यांनी केली. (Maharashtra News)

बीडच्या आष्टी (ashti) तालुक्यातील अतिवृष्टीग्रस्त शेतपिकांची पाहणी दौऱ्यादरम्यान माध्‍यमांशी संवाद साधताना त्‍या बोलत होत्या. आष्टी तालुक्यातील पांढरी, सोलेवाडी यासह अनेक भागांमध्ये परतीच्या पावसाने (Rain) थैमान घातल्याने शेतीचे मोठे नुकसान झाले आहे. याच नुकसानग्रस्त शेतीच्या बांधावर आज खासदार प्रीतम मुंडे गेल्या आहेत. त्यांनी हतबल झालेल्या शेतकऱ्यांसोबत सवांद साधला. यावेळी (BJP) भाजप नेते माजी आमदार भीमराव धोंडे, तहसीलदार विनोद गुंडमवार यांच्यासह अधिकारी, कर्मचारी, (Farmer) शेतकरी, कार्यकर्ते उपस्थित होते.

धीर सोडू नका

अतिवृष्‍टीमुळे झालेल्‍या नुकसानीच्‍या पाहणी दरम्‍यान नुकसानग्रस्‍त शेतकऱ्यांशी खासदार मुंडे यांनी संवाद साधत त्‍यांना धीर दिला. आम्ही सोबत आहोत, धीर सोडू नका. दिवाळीपूर्वी मदत मिळावी; यासाठी आम्ही सर्वोत्तपरी प्रयत्न करत असल्‍याचे यावेळी खासदार प्रीतम मुंडे म्हणाल्या.