हर्षदा सोनोने 
अकोला : अकोला जिल्ह्यात शेतकऱ्यांना पिकांच्या वाढीसाठी युरिया घ्यावा लागतो. मात्र सध्या जिल्ह्यात (Akola) युरियाचा कृत्रिम तुटवळा निर्माण करण्यात आला आहे. यामुळे शहरातील बाजारपेठेत शेतकऱ्यांना (Farmer) युरिया मिळण्यासाठी रांगा लावाव्या लागत आहेत. (Breaking Marathi News)

आधीच विलंबाने आलेल्या पावसामुळे पेरणी देखील उशिराने झाली आहे. यामुळे पीकवाढीचा कालावधी हा कमी झाला आहे. तर जुलैच्या तिसऱ्या आठवड्यात चार दिवस दमदार पाऊस  झाल्यामुळे पिकांची वाढ खुंटली आहे. त्यामुळे पिकांच्या वाढीसाठी लागणाऱ्या युरियाचा डोस देण्यासाठी शेतकरी लगबग करत आहे. परंतु अकोला जिल्ह्यातील काही भागात तुटवडा जाणवत आहे.  

टंचाई कि काळाबाजार 

पायपीट करूनही शेतकऱ्यांना युरिया मिळत नाही. त्यामुळे पीकवाढीच्या नेमक्यावेळी युरिया मिळत नसेल, तर पिकांची वाढ खुंटून पीक धोक्यात येण्याची शक्यता नाकारता येत नाही. त्यामुळे सुरुवातीलाच युरियाची कृत्रिम टंचाई ही बाब शेतकऱ्यांच्या पचनी पडत नसून, खरंच तुटवडा की काळाबाजार असा प्रश्न शेतकऱ्यांना पडला आहे.