बीड : बीड जिल्ह्यात अतिवृष्टीने ग्रासलेल्या पुन्हा एका शेतकऱ्याने आत्महत्या केली आहे. अतिवृष्टीमुळे शेतातील सोयाबीन अतोनात नुकसान झाल्यानं, खचून गेलेल्या 25 वर्षीय तरुण शेतकऱ्याने गळफास घेऊन आत्महत्या केलीय.

हे देखील पहा :

ही घटना बीडच्या केज तालुक्यातील साळेगाव येथे आज घडलीय. बाळासाहेब रामलिंग गीते वय 25 वर्ष असं आत्महत्या केलेल्या तरुण शेतकऱ्याचं नाव आहे. हा तरुण शेतकरी या अतिवृष्टीने झालेल्या नुकसानीमुळे नैराश्यात होता. यातूनच त्याने साळेगाव शिवारातील लिंबाच्या झाडाला गळफास घेऊन आत्महत्या केली.

दरम्यान, याची माहिती मिळताच केज पोलिस घटनास्थळी दाखल झाले होते. याप्रकरणी केज पोलिसात नोंद झाली असून मयत बाळासाहेब गित्ते यांच्या पश्चात पत्नी कोमल वय 24 मुलगा आदित्य वय 6, मुलगी अंजली वय 4 असा परिवार असल्याने परिसरात हळहळ व्यक्त केली जात आहे.

Edited By : Krushnarav Sathe