Unseasonal Rain : वादळी वाऱ्यासह अवकाळी पाऊस; मंगरूळपीर व कारंजा तालुक्यात पिकांचे नुकसान

मनोज जयस्वाल 

वाशिम : राज्यातील काही भागात अवकाळी पावसाची शक्यता वर्तविण्यात आली आहे. त्यानुसार आज दुपारपासून (Washim) वाशिम जिल्ह्यात ढगाळ वातावरण असताना मंगरूळपीर व कारंजा तालुक्यात वादळी वाऱ्यासह अवकाळी पाऊस (Rain) झाला. अचानक आलेल्या पावसामुळे नागरिकांची चांगलीच धावपळ उडाली. (Breaking Marathi News)

राज्यात फेब्रुवारीच्या शेवटच्या आठवड्यात अवकाळी पाऊस झाला होता. यात काही भागात गारपीट देखील झाली होती. (Farmer) यामुळे शेती पिकांचे मोठ्या प्रमाणात नुकसान झाले होते. यानंतर आता देखील अवकाळी पावसाची शक्यता वर्तविण्यात आली आहे. त्यानुसार वाशीम जिल्ह्यातील मंगरुळपीर व कारंजा तालुक्यात दुपारच्या सुमारास वादळी वाऱ्यासह अवकाळी पाऊस झाला. तर सकाळपासूनच जिल्ह्यात ढगाळ वातावरण निर्माण झाले होते. मागील दहा ते पंधरा दिवसापासून उकाड्यांने त्रस्त असलेल्या नागरिकांना दिलासा मिळाला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

संत्रा बाग, हरभऱ्याचे नुकसान 

वादळी वाऱ्यासह अवकाळी पाऊस आल्यामुळे पुन्हा संत्रा बागेचे नुकसान होणार आहे. तर काही ठिकाणी कापून ठेवलेल्या हरभरा व काढणीला आलेल्या गव्हाच्या पिकाचे नुकसान होण्याची शक्यता आहे. यामुळे शेतकरी संकटात सापडला आहे.