Soyabean Price : दोन बाजार समितीत बीजवाई सोयाबीन दरात तफावत; वाशिम जिल्ह्यात सातशे ते आठशे रुपयांचा फरक

मनोज जयस्वाल 
वाशीम : वाशिम जिल्ह्यातील दोन बाजार समितीमध्ये बीजवाई सोयाबीनच्या दरात मोठी तफावत आढळून आली असून तब्बल सातशे ते आठशे रुपयांची ही तफावत समोर आली आहे. वाशिमच्या बाजार समितीत या बिजवाई सोयाबीनला प्रती क्विंटलला ४५०० ते ५३०० रुपयांपर्यंत दर मिळाले आहेत. एकाच जिल्ह्यातील दोन बाजार समितीच्या दरात मोठी तफावत आढळून आली आहे.

वाशिमच्या (Washim) रिसोड येथील कृषी उत्पन्न बाजार समितीत बिजबाई सोयाबीनला प्रती क्विंटलचे ४ हजार ४५० ते ४ हजार ६५० रुपयांचे दर मिळाले. तर वाशिमच्या कृषी उत्पन्न बाजार समितीत बिजवाई (९३०५ या वानाला) सोयाबीनला मात्र चांगले दर मिळत आहेत. एकाच जिल्ह्यात दोन वेगवेगळ्या (Bajar Samiti) बाजार समित्यांमध्ये बिजवाई सोयाबीनच्या दरात ७०० ते ८०० रुपयांची तफावत आढळून आली आहे. त्यामुळे शेतकऱ्यांमध्ये संभ्रमाची स्थिती निर्माण झाली आहे. 

तफावत कशामुळे शेतकऱ्यांमध्ये संभ्रम 

बाजार समितीत असलेल्या सातशे ते आठशे रुपये तफावत कशामुळे निर्माण झाली याची चिंता आता शेतकऱ्यांना लागली आहे. तर एकाच जिल्ह्यात दोन बाजार समित्यांमध्ये इतकी मोठी तफावत कशामुळे? असा प्रश्न शेतकऱ्यांना पडला आहे.