आदिवासी शेतक-यांना भात लागवडीसाठी प्रतिक्षा पावसाची ..

रोहिदास गाडगे

पुणे : एकीकडे कोरोना Corona महामारीचं संकट तर दुसरीकडं पावसाची Monsoon प्रतिक्षा आहे. अशा दुहेरी संकटात सापडलेला भिमाशंकर Bhimashankar परिसरातील आदिवासी शेतकरी भात लागवडीसाठी Paddy cultivation पावसाची चातकाप्रमाणे वाट पहात आहे. पाऊस जर पडला नाही तर पेरलेली भाताची रोपे भात पेरणी फुकट जाण्याची भीती शेतकरी व्यक्त करत आहेत. Tribal farmers wait for rains for paddy cultivation

मागील आठवड्यात चार दिवस मुबलक पाऊस झाला. अशातच भिमाशंकर परिसरातील आदिवासी शेतकरी भात लागवडीत व्यस्त झाला. मात्र आता अचानक पाऊसाने दांडी मारल्याने भातशेती संकटात आली आहे. तर लागवड झालेल्या भाताला पाणी नसल्याने मोठं संकट शेतक-यांसमोर उभं राहिले आहे.

हे देखील पहा-

सह्याद्री पर्वत रांगांच्या कुशीतील भिमाशंकर परिसरातील आदिवासी बांधवांचे अर्थकारण हिरडा व भात शेतीवर अवलंबुन आहे. मात्र यंदा हिरड्याचेही उत्पादन घटले आणि आता भात लागवडीलाच पाऊसाने दांडी मारल्याने आदिवासी शेतकरी संकटात सापडला आहे. कोरोना काळातही हाताला काम मिळाले नाही निसर्गाच्या लहरीपणामुळे आदिवासी कुटुंबाचे अर्थकारण कोलमडत चालले आहे.

कोरोना महामारीच्या संकटाचा सामना करत असताना आता निसर्गाच्या लहरीपणामुळे आदिवासी शेतक-यांना आता पावसाची चिंत्ता लागली आहे. यंदा भाताची लागवड पाऊसाच्या प्रतिक्षेत गेली तर वर्षाभराचे अर्थकारण कोलमडण्याची भिती शेतक-यांनी व्यक्त केली आहे.

Edited By-Sanika Gade