जंगलातुन चरून आल्यानंतर वरंधातील एकाच शेतक-याच्या १० म्हशींचा झाला मृत्यू

महाड : महाड (mahad) तालुक्यातील वरंध येथील जयपाल घाडगे या शेतकर्‍यावर (farmer) काल संकटाची कु-हाड कोसळली आहे. या शेतकऱ्याच्या गोठ्यातील दहा म्हशी (buffalo) अचानक मृत्युमुखी पडल्या. मंगळवारी संध्याकाळी नेहमी प्रमाणे म्हशी जंगलातुन चरून आणल्यानंतर घाडगे यांनी त्यांना गोठ्यात बांधले होते. मात्र बुधवारी पहाटे पासुन म्हशी मरण्याचे सत्र सुरु झाले. (mahad latest marathi news)

पशुवैद्यकिय अधिकारी सकाळीच घाडगे यांच्याकडे पोहोचले. त्यांनी उपचाराकरीत म्हशींना वाचवण्याचे प्रत्न केले. मात्र संध्याकाळ पर्यंत दहा म्हशींचा मृत्यु झाला.

यामुळे जयपाल घाडगे या शेतकर्‍याचे १५ लाखांचे नुकसान झाले आहे. अचानक म्हशींच्या मृत्युचे कारण काय याचा शोध घेतला जात आहे.

Edited By : Siddharth Latkar