Success Story : द्राक्षच्या पंढरीत तैवान पेरुची लागवड, अल्पावधीत शेतक-याने कमावले 8 लाख

- अजय सोनवणे

Nashik :

द्राक्षाचे आगार असलेल्या नाशिकच्या (nashik) निफाड तालूक्यात शेतकरी द्राक्षाची (grapes) मोठ्या प्रमाणावर लागवड करतात. द्राक्षा बरोबरच काही तरी वेगळे उत्पन्न घ्यावे या संकल्पनेतून भारत बोगीर या प्रयोगशील शेतक-याने एक एकर क्षेत्रात सदाबहार तैवान जातीच्या पेरुची लागवड (Taiwan Guava) केली. त्यातून भारत यांना उत्तम उत्पन्न मिळू लागले आहे. (Maharashtra News)

भारत यांनी सहा महिन्यापुर्वी पेरुची लागवड केली होती. झाडांची छाटणी करत पेरुचे उत्पादन घेण्यास सुरुवात केली. एकाच झाडाला अडीचशे तीनशे ग्रामचे फळ तयार होत असल्याने एका झाडावर २० किलो पर्यंतचे उत्पन्न मिऴत आहे.

सुमारे एक एकरात २० टना पर्यंत पेरुचे उत्पन्न निघाले आहे. या पेरुची ५० रुपये किलो दराने विक्री होऊन आता पर्यंत १० लाखांचे उत्पन्न शेतक-याला मिळाले आहे. त्याने दिलेल्या माहितीनूसार खर्च वजा जाता आठ लाख रुपयांचा निव्वळ नफा झाला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar