Dada Bhuse : ताडी विक्री केंद्रावर पालकमंत्री दादा भुसेंची धाड, पाेलिस तपास सुरु

- अजय सोनवणे

Nashik :

नाशिक जिल्ह्यातील मालेगाव शहरातील मोसम नदी किना-यावरील कामाची पाहणी करण्यासाठी गेलेल्या पालकमंत्री दादा भुसे (nashik guardian minister dada bhuse) यांना मोसम नदी किना-या जवळ असलेल्या ताडी विक्री केंद्रावर धाड टाकली. त्यानंतर राज्य उत्पादन शुल्क विभागाच्या अधिका-यांना बाेलावून ताडी केंद्राची तपासणी करण्याचे निर्देश दिले. दरम्यान संबंधित ताडी केंद्रातील पदार्थांचे नमुने उत्पादन शुल्क विभागाने घेतल्याची माहिती अधिकारी यांनी दिली. (Maharashtra News)

पालकमंत्री दादा भुसे यांनी ताडी केंद्रावर मोठी गर्दी दिसली. त्यांनी थेट ताडी विक्री केंद्र गाठल्याने तेथे पळापळ सुरु झाली. यावेळी भुसे यांनी पाहणी केली. परवानाधारक असलेल्या या ताडी विक्री केंद्रात ताडीत पांढ-या रंगाची पावडर मिक्स करुन त्याची विक्री होत असल्याचे त्यांच्या निदर्शनास आले.

राज्य उत्पादन विभागाने तातडीने तेथील ताडीचे नमुने घेतले. ते तपासणीसाठी प्रयोग शाळेत पाठविले जाणार आहेत. त्यानंतर पुढील कारवाई करण्यात येणार असल्याची माहिती राज्य उत्पादन विभागाच्या अधिकारी यांनी दिली. दरम्यान या ताडी विक्री केंद्रामुळे आजूबाजूच्या नागरिकांना त्रास होत होता. महापालिकेने तातडीने ताडी केंद्र बाहेरील अनधिकृत पत्र्याचे कंपाऊंड जेसीबीने हटविले. या ताडी विक्री केंद्राची पाेलिसांकडून तपासणी सुरु आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar