Sambhajinagar Heavy Rain : परतीच्या पावसाने हाहाकार; तोडलेला मका पाण्यात, शेतात पाणी साचल्याने पिकांचे नुकसान

रामू ढाकणे 

छत्रपती संभाजीनगर : मागील काही दिवसांपासून पार्टीच्या पावसाला सुरवात झाली आहे. दरम्यान या पावसाने हाहाकार माजविला आहे. जोरदार पाऊस होत असल्याने शेतातील पिकांचे मोठे नुकसान होत आहे.  छत्रपती संभाजीनगर जिल्ह्यात देखील अनेक ठिकाणी  पावसाने जोरदार हजेरी लावल्यामुळे नद्यांना पूर आला तर नदी नाले देखील खळखळून वाहू लागले. 

प्रामुख्याने या दिवसात पडणारा पाऊस हा परतीचा पाऊस मानला जात असतो. त्यानुसार राज्यातील अनेक भागात परतीच्या पावसाचे आगमन झाले आहे. राज्यातील अनेक भागात मुसळधार पावसाची शक्यता वर्तविण्यात आली आहे. त्यानुसार (Sambhajinagar) छत्रपती संभाजीनगर जिल्ह्यात देखील जोरदार पाऊस होत आहे. मुसळधार पाऊस होत असल्याने शेतकरी पुन्हा एकदा अडचणीत सापडला आहे. हातातोंडाशी आलेला घास हिरावून घेतला आहे. 

जिल्ह्यातील करमाड परिसरात असणाऱ्या लाडसावंगी शिवारात झालेल्या (Heavy Rain) जोरदार पावसामुळे अनेक पिकांचा मोठा नुकसान झाले आहे. कपाशी आणि तोडून ठेवलेला मक्का या पिकांचं मोठे नुकसान झालं असून शेतात पाणी साचल्याने हातातोंडाशी आलेली मक्का उध्वस्त झाला आहे. त्यामुळे मोठा फटका या पावसाचा शेतकऱ्यांना बसलाय. दरम्यान झालेल्या या नुकसानीचे पंचनामे करावी अशी मागणी आता शेतकरी करत आहे.