Parbhani News : बैलांना चारा टाकायच्‍या नावाने गेला तो परतलाच नाही; तरुण शेतकऱ्याने संपविले जीवन

परभणी : गळफास घेऊन तरूण शेतकऱ्याने आत्महत्या केल्याची घटना सेलू (Selu) तालुक्यातील चिकलठाणा बुद्रूक येथे घडली आहे. गजानन पुंजाराम कोरडे (वय ३५) असे आत्महत्या (Farmer) केलेल्या तरूणाचे नाव आहे. (Latest Marathi News)

दररोज प्रमाणे शेतातील काम (Parbhani) झाल्यावर जेवण करून गजानन हा मी बैलांना चारा टाकून येतो; असे पत्नीला सांगून गेला होता. बराच वेळ होऊनही परत आला नसल्याने पत्नी त्यांना पाहण्यासाठी गेली. यावेळी पत्राच्या शेडमध्ये गजानन कोरडे हा गळफास घेतल्याच्‍या स्‍थीतीत आढळून आला.

आत्‍महत्‍येचे कारण अस्‍पष्‍ट

घटनास्थळी पोलिसांनी भेट देऊन पाहणी करून पंचनामा केला. शेतकरी गजाननने केलेल्या आत्महत्या मागचे कारण समजू शकले नव्हते. पुढील तपास सेलू पोलीस करत आहेत. त्याच्या पश्चात आई, वडील, भाऊ, पत्नी, दोन मुले असा परिवार आहे.