Nandurbar Onion Market : कांदा उत्पादकांना दिलासा, नंदुरबार बाजार समिती स्वतंत्र मार्केट सुरू करणार

- सागर निकवाडे

Nandurbar News : नंदुरबारसह नवापूर आणि साक्री तालुक्यात होणारे कांदा उत्पादन व होणारी कांदा आवक लक्षात घेता नंदुरबार बाजार समितीने स्वतंत्र कांदा मार्केट सुरू करण्याचा निर्णय घेतला आहे. या निर्णयामुळे शेतक-यांना दिलासा मिळाला आहे. (Maharashtra News)

नंदुरबारला मिरची मार्केटप्रमाणेच कांदा मार्केटदेखील गजबजण्याची शक्यता आहे. बाजार समितीत सद्य:स्थितीत जागा नसल्याने कांदा मार्केट साक्री रस्त्यावरील आरटीओ कार्यालयानजीक सुरू करण्यात येणार आहे.

नंदुरबार बाजार समितीच्या या निर्णयामुळे कांदा उत्पादकांना स्थानिक ठिकाणीच कांदा विक्रीचा पर्याय उपलब्ध होणार आहे. या निर्णयाचे शेतकरी निश्चित स्वागत करतील असा विश्वास बाजार समितीच्या पदाधिका-यांनी व्यक्त केला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar