Jalna News : मोसंबीचं आगार असलेल्या जालना (Jalna) जिल्ह्यात थंडीमुळे मोसंबीला काळसर रंग प्राप्त झाला आहे. सततच्या थंडीचा कडाका मोसंबीच्या फळांना बसल्यामुळे व धुक्यामुळे फळाचा दर्जा घसरला आहे. परिणामी माेसंबीला मिळणारा दर घसरला (Mosambi Rates Slashed) आहे. (Maharashtra News)
यापुर्वी आंबे बहराच्या मोसंबीला बाजारात 35 ते 50 हजार रुपये प्रति टन भाव मिळाला होता. पण थंडी सुरू होताच या थंडीमुळे मोसंबीचा रंग काळसर झाला. त्यामुळे मोसंबीच्या दरात 30 टक्क्यांनी घसरण झाली आहे.
सध्या मोसंबीला प्रतिटन 18 ते 26 हजार रुपयांचा भाव मिळत आहे. याचा फटका शेतकऱ्यांना (farmers) बसत आहे. त्यातच गतवर्षी झालेल्या अतिवृष्टीमुळे बुर्शीजन्य रोगाचा प्रादुर्भाव ही मोठ्या प्रमाणात मोसंबी बागेत जाणवत असल्याने याचा मोठ्या फटका मोसंबी उत्पादक शेतकऱ्यांना बसला आहे.
याबाबत जालना (jalna) येथील व्यापारी नजीरखा पठाण यांनी अनेक माेसंबीच्या बागा पिवळ्या पडल्याचे सांगितले. थंडीचा कडाका मोसंबीच्या फळांना बसल्याने मोसंबीच्या भावावर परिणाम झाला आहे. चांगली मागणी असताना भावात मोठी घसरण झाल्याने शेतकरी अडचणी आल्याचे सांगण्यात येत आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
