Dharashiv Rain Update : धाराशिव जिल्ह्यातील शेतकरी सुखावला, प्रशासन का पडले चिंतेत ?

- बालाजी सुरवसे

Dharashiv News : धाराशिव जिल्ह्यात ४ दिवसांत ५८ तर आतापर्यंत १७८ मिलीमिटर पावसाची नोंद झाली आहे. दरम्यान यंदा जुलै संपत आला तरी १०० टक्के पेरणी झाले नसली तरी पेरण्या अंतिम टप्प्यात आल्याचे चित्र आहे. (Maharashtra News)

धाराशिव जिल्ह्यात उत्तम पाऊस (rain) झाल्याने आता शेतक-यांची चिंता मिटली आहे. बहुतांश शेतकऱ्यांची पावसाअभावी पेरणी रखडली होती. आता पेरणीला वेग आला आहे. ज्या शेतकऱ्यांनी पेरणी केली आहे त्यांच्यावर दुबार पेरणीची आलेले संकट देखील दुर झाले आहे.

दरम्यान पेरणीयोग्य पाऊस झाला असला तरी जिल्ह्यातील प्रकल्प अद्याप ही कोरडेच असल्याची परिस्थिती पाहायला मिळत आहे. त्यामुळे जिल्ह्यातील शेतकऱ्यांना (farmers) अद्याप ही दमदार पाऊसाची प्रतिक्षा आहे. तसेच प्रशासकीय अधिकारी देखील अधिक पाऊस व्हावा अशी अपेक्षा व्यक्त करु लागलेत.

Edited By : Siddharth Latkar