..तर वीज मंडळ अधिकाऱ्यांना झाडाला बांधून मारु!

पंढरपूर : शेती पंपाचा वीज पुरवठा तोडाल तर याद राखा, शेतकऱ्यांची वीज वितरण कंपनीकडे लाखो रुपयांचे येणे असताना जर वीज पुरवठा खंडित केला तर वीज कंपनीच्या अधिकाऱ्यांना झाडाला बांधून मारू असा गर्भित इशारा महाराष्ट्र नवनिर्माण सेनेचे नेते दिलीप धोत्रे यांनी आज पंढरपुरात दिला.

थकीत वीज बिल वसुलीसाठी वीज वितरण कंपनीने मोहीम सुरू केली आहे सोलापूर जिल्ह्यात अनेक शेतकऱ्यांचा वीजपुरवठा खंडित केला आहे. त्यामुळे खरीप पिके जळून जाण्याची भीती निर्माण झाली आहे. अशा परिस्थितीत महाराष्ट्र नवनिर्माण सेना वीज कंपनीच्या वीज तोडणी मोजणीच्या विरोधात पुढे सरसावली आहे.

विजेचे खांब आणि डीपी यासाठी वीज वितरण कंपनीकडून शेतकऱ्यांना भाडे मिळणे अपेक्षित असताना उलट शेतकऱ्यांकडून वीज बिल वसुली साठी शेतकऱ्यांना वेठीस धरले जात आहे, हे यापुढे आता खपवून घेतले जाणार नाही, असे त्यांनी सांगितले.

शेती पंपाचा वीज पुरवठा तोडाल तर याद राखा असा सूचक इशारा देत वीज कंपनीच्या अधिकाऱ्यांना झाडाला बांधून मारू असा गर्भित इशाराही त्यांनी दिला आहे मनसेच्या इशाऱ्यानंतर मोठी खळबळ उडाली आहे.

Edited By - Amit Golwalkar

हे देखिल पहा-