Hingoli News : शेतीच्या मशागतीसाठी बैलचं नाही मिळालेत; शेतकऱ्याने स्वतःलाच जुंपलं औताला, डोळे पाणवणारा VIDEO

Hingoli News : शेतात लागवड केलेल्या हळदीच्या पिकाची मशागत करण्यासाठी बैल जोडी मिळत नाही.
Hingoli News
Hingoli NewsSaam tv

हिंगोली : बैलजोडीची बाजारातील किंमत अधिक असल्याने ते घेणे अल्पभूधारक शेतकऱ्याला न परवडणारे आहे. शिवाय हातात पैसा नसल्याने भाड्याने जोडी लावून शेतीची मशागत करणे देखील न परवडणारे असल्याने दोन लहान भावांना शेतीच्या मशागतीसाठी औताला जुंपले.  

हिंगोलीच्या (Hingoli) वसमत तालुक्यातील सिरळी गावच्या शिवारात हे दृश्य पाहण्यास मिळाले आहे. शेतात लागवड केलेल्या हळदीच्या पिकाची मशागत करण्यासाठी बैल जोडी मिळत नाही. परंतु पाऊस पडण्याच्या अगोदर शेतातील काम आटोपण्यासाठी एका अल्पभूधारक शेतकऱ्यांने लहान भावाला औताला जुंपत शेतीचे काम पार पाडले आहे. बालाजी पुंडगे असे या (Farmer) शेतकऱ्याचे नाव असून हा पुंडगे परिवार सध्या शेतीची मशागत करण्यासाठी कामाला लागला आहे. 

Hingoli News
Wardha News : कृषी केंद्र संचालकांकडून बियाणांचा कृत्रिम तुटवडा; तात्काळ कारवाई करण्याची मागणी

जोडी घेणे परवडेना 

पुंडगे यांच्याकडे दीड एकर शेती आहे. शेतीसाठी (Bullock) बैल जोडी घेणे परवडत नसल्याने पुंडगे यांनी बैल खरेदी केले नव्हते. त्यातच ऐनवेळी मशागतीला बैल जोडी मिळत नसल्याने त्यांनी स्वतःच्या भावांना औताला जुंपण्याचा निर्णय घेतला आहे. त्यानुसार दोघे औत ओढत असून बालाजी पुंडगे हे औत धरून मागे चालत आहेत.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com