Farmers Protests : सडलेल्या संत्र्यांचा हार गळ्यात टाकून तहसिल कार्यालयात शेतकऱ्यांचे आंदोलन

- अमर घटारे

Farmers Protests : अमरावती जिल्ह्यातील संत्रा उत्पादक शेतकरी अतिवृष्टी व सततच्या पावसामुळे पूर्णपणे गारद झालेला आहे. जुलै ते ऑगस्टमध्ये झालेल्या पावसामुळे जिल्ह्यातील आंबिया संत्र्याची मोठ्या प्रमाणात गळ झाली.

तिवसा तालुक्यातील 22 हजार हेक्टर वर असलेल्या संत्रा उत्पादक शेतकऱ्यांना नुकसान भरपाई न मिळाल्याने आज तिवसा तालुक्यातील शेकडो शेतकऱ्यांनी (farmers) शेतातील खराब झालेले संत्री आणून व त्या संत्र्याचे हार गळ्यात टाकून तिवसा तहसीलदाराला निवेदन दिले.

यावेळी आंदाेलकांनी राज्य सरकारच्या (maharashtra government) विरोधात जोरदार घोषणाबाजी केली. जसबिर ठाकूर म्हणाले गेल्या चार वर्षांपासून संत्र्याचे नुकसान झाले आहे. फळ पिकांचे माेठे नुकसान हाेऊन देखील तिवसा तालुक्यातील शेतक-यांना मदत मिळालेली नाही.

Edited By : Siddharth Latkar