Soyabean Price : सोयाबीनच्या दरात पुन्हा घसरण; १० दिवसात ७०० रुपयांनी दर घसरले

बालाजी सुरवसे 

धाराशिव : सोयाबीनचे दर यंदा हवे तसे मिळाले नाहीत. परंतु दर वाढतील या अपेक्षेत शेतकरी (Farmer) होता. मात्र दर न वाढता त्यात घसरण होत असल्याचेच पाहण्यास मिळत आहे. यात धाराशिव (Dharashiv News) जिल्ह्यात सोयाबीनचे दर मागील दहा दिवसात ७०० रुपयांनी घसरल्याने शेतकरी पुन्हा एकदा संकटात सापडला आहे. (Latest Marathi News)

सोयाबीनचे दर वाढतील या अपेक्षेने अनेकांनी सोयाबीनचा साठा करुन ठेवला आहे. मात्र दर घसरल्याने शेतकऱ्यांची सातत्याने निराशा होत आहे. यंदाच्या वर्षात सोयाबीनला जास्तीत जास्त ५  हजार ४०० पर्यंतचा दर (Soyabean Price) मिळाला. त्यानंतर सातत्याने दरामध्ये घसरण होत आहे. ऐकीकडे सोयाबीन उत्पादनासाठी लागणारा खर्च वाढत असताना दर कमी होत असल्याने शेतकरी वर्गातुन नाराजी व्यक्त करण्यात येत आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

धाराशिव जिल्ह्यात खरीप हंगामाचे पेरणीचे क्षेत्र सुमारे ५ लाख हेक्टपर्यंत आहे. यापैकी सर्वाधिक पेरा हा सोयाबीनचा आहे. मात्र सातत्याने दरात घसरण होत असल्याने शेतकरी संकटात सापडला आहे. आता सोयाबीनचा साठा करून ठेवलेल्या शेतकऱ्यांना कमी दारात विक्री करावी लागणार असल्याने आर्थिक झळ देखील शेतकऱ्यांना सोसावी लावणार आहे.