चंद्रपूर जिल्ह्यातील सोयाबीन पिकावर 'लष्करी अळी'चं संकट

चंद्रपूर जिल्ह्यात (Chandrapur District) उभ्या शेतपिकांवर लष्करी अळी, उंट अळी, किटक आणि ईतर बऱ्याच रोगांच्या प्रादुर्भावामुळे पिकांचे मोठे नुकसान होत आहे. भद्रावती तालुक्यात याचा सर्वाधिक प्रभाव दिसतो आहे. १० वर्षापूर्वी भद्रावती आणि वरोरा तालुक्यात लष्करी अळीने थैमान घातले होते. या अळीच्या प्रादुर्भावामुळे शेतकऱ्यांचे सोयाबिनचे उभे पीक पूर्णतः उद्धवस्त झाले होते. त्याची पुनरावृत्ती यंदाही दिसून येत आहे.

भद्रावती तालुक्यातील वाघेडा, जेना, पिल, धानोली, धामणी, नंदोरी आणि टाकळी या गावातील हजारो हेक्टर सोयाबीनच्या पिकांवर (Soyabean Crop) ही लष्करी अळी आढळून आली आहे. या अळीचा प्रादुर्भाव भयानक आहे. एका रात्रीतून शेकडो हेक्टर उभे पीक ही अळी नष्ट करते. सध्या पानांची चाळणी झाली असून, शेंगाही गळून पडल्या आहेत. त्यामुळे या अळीचा 10 वर्षांपूर्वीचा प्रादुर्भाव पाहता शेतकरी वर्गात चिंतेचे सावट निर्माण झाले आहेत.

दरम्यान राज्यात अनेक ठिकाणी पावसाची अनियमीतता आहे. पश्चिंम महाराष्ट्रात जोरदार पाऊस सुरु आहे. तर मराठवाडा, विर्दभात आता कुठे पावसाने हजेरी लावली आहे. अनेक दिवस प्रतिक्षेत असलेले शेतकरी पावसाने सुखावले आहेत. परंतू अनेक ठिकणी पावसाचे प्रमाण खूप जास्त असल्याने पिकांचे नुकसान झाले आहे. अनेकांच्या शेतात पाणी गेले आहे. काल पावसाने कन्नड घाटात दरड कोसळलेली पाहायला मिळाली. पावसाची अनियमितता आणि पिकांवरील रोगांचे संकट यामुळे शेतकरी हवालदिल झाला आहे.

Edited By: Pravin Dhamale