Orange Farm : अमरावती जिल्ह्यात संत्र्याची मोठी फळगळ; शेतकऱ्यांचे लाखोंची नुकसान

अमर घटारे 
अमरावती : वातावरणात झालेला बदल, रोग व किडींचा प्रादुर्भाव आणि अतिपावसामुळे संत्रा फळांची मोठी फळगळ होत आहे. झाडावरील अर्ध्यापेक्षाही अधिक संत्रा हे जमिनीवर आल्याने शेतकऱ्यांचे लाखो रुपयांचे नुकसान होत आहे. परिणामी शेतकऱ्यांना मोठा आर्थिक फटका बसत आहे. 

विदर्भाचा कॅलिफोर्निया म्हणून ओळखल्या जाणाऱ्या (Amravati) अमरावती जिल्ह्यातील मोर्शी, वरुड, चांदुर बाजार या तालुक्यात सर्वाधिक संत्र्याच्या बागा आहेत. या भागातील संत्रा हा आपल्या विशिष्ट चवीने प्रसिद्ध असून नागपुरी संत्रा या नावाने देशात नव्हे तर बाहेर देशात याची मागणी असते. मात्र आता या संत्र्याची मोठ्या प्रमाणात फळगळ सुरू असल्याने निम्म्यापेक्षाही कमी संत्र झाडावर शिल्लक असल्याने संत्रा उत्पादक शेतकरी हवालदिल झाला आहे.

५० अनुदानावर औषधी मिळावी 
केंद्रीय लिंबूवर्गीय फळ संशोधन संस्थेचे व कृषी विभागाचे उदासीन धोरण याला जबाबदार आहे. आम्हाला त्यांच्याकडून कोणते प्रकारचे मार्गदर्शन होत नाही. यावर कोणती फवारणी करायची; याच सुद्धा आम्हाला मार्गदर्शन होत नसल्याचा आरोप (Farmer) शेतकऱ्यांनी केला आहे.  त्यासोबतच बाजारात महागडे कीटकनाशके, बुरशी नाशके असून ती आम्हाला परवडत नाही. त्यामुळे ५० टक्के अनुदानावर ही औषधे शासनाने उपलब्ध करून द्यावी; अशी मागणी शेतकऱ्यांनी केली आहे.