अमरावती बाजार समितीत सोयाबीनला विक्रमी १०,२५० रुपयांचा भाव

अमरावती: सोयाबीनला आतापर्यंतचा सर्वाधिक ९,२०० ते १०,२५१ रुपये प्रति क्विंटलचा भाव मिळाला. जाहीर हमीभावा पेक्षा मिळालेला भाव कितीतरी जास्त आहे. या विक्रमी भावाचा सर्वसामान्य शेतकऱ्यांना कोणताच फायदा झालेला नाही. हा माल सधन शेतकरी किंवा व्यापाऱ्यांचा असल्याचे शेतकऱ्यांनी सांगितले.

अमरावती बाजार समितीच्या माहितीनूसार सोमवारी ९४९ क्विंटल सोयाबीनची आवक झाली होती. याशिवाय मंगळवारी ८३५ क्विंटलची सोयाबीनची आवक झाली. यामध्ये ८,७०० ते ९,७०० रुपये प्रति क्विंटल असा भाव मिळाला आहे. याशिवाय हरभऱ्याची ९८४ क्विंटल आवक झाली व ४,५०० ते ४,९०० रुपये असा भाव मिळाला आहे. तुरीची १.९७३ क्विंटल आवक झाली ६.००० ते ६.३०० रुपये असा भाव मिळाला आहे. सध्या शेतमालाची आवक कमी झालेली आहे. दोन महिन्यात नव्या होण्याची शक्यता आहे.

दरम्यान, एका बाजूला पिकांना चांगला भाव मिळत असताना पश्चिम महाराष्ट्रातला शेतकरी मात्र पावसाने हवालदिल झाला आहे. तर महाराष्ट्रात काही भागात काही ठिकणी तर म्हणावा तसा पाऊस झालेला दिसत नाहीये, त्यामुळे शेतकरी हवालदिल झालेले आहेत. मागच्या काही दिवसा कोल्हापूर, सांगलीमध्ये पुरामुळे सर्व शेतजमिन पाण्याखाली गेली होती. त्यामुळे शेतकऱ्यांसमोर आता दुबार, तिबार पेरण्यांचं संकट उभं राहिलं आहे.

Edited By: Pravin Dhamale