Akola News: तरुण शेतकऱ्याचा आत्महत्येचा प्रयत्न; विष प्राशन करतानाच व्हिडिओ व्हायरल

अकोला : अकोला जिल्ह्याच्या पातुर तालुक्यातील चान्नी पोलीस स्टेशन अंतर्गत अतिदुर्गम भागातील सावरगाव येथील २५ वर्षीय तरुण शेतकऱ्याने (Farmer) आत्‍महत्‍येचा प्रयत्‍न केला. त्‍याची प्रकृती गंभीर असून विष प्राशन करतानाचा व्हिडिओ सोशल मीडियावर (Social Media) व्हायरल झाला आहे. (Maharashtra News)

अकोला जिल्‍ह्यातील सावरगाव (ता. पातुर) येथील शुभम रामचौरे असे गंभीर झालेल्या तरुणाचे नाव आहे. सध्या त्याच्यावर शासकीय रुग्णालय अकोला येथे उपचार सुरू आहे. व्हिडिओ काढून विष प्राशन करून आत्महत्या करण्याचा प्रयत्न केल्याची घटना शनिवार (२५ मार्च) संध्याकाळी घडली असून विष प्राशन करतानाचा व्हिडिओ आज व्हायरल झाल्याने सदर घटना उघडकीस आली आहे.

कारण अद्याप अस्‍पष्‍ट

शुभम रामचौरे या तरुण शेतकऱ्याने शेतात जावून विषारी द्रव्‍य प्राशन आत्‍महत्‍या करत असल्‍याचा व्‍हीडीओ सोशल मिडीयावर व्‍हायरल झाला आहे. परंतु, शुभम याने असा प्रकार का केला? याबाबतची माहिती अद्याप समोर आलेली नाही.