Akola News : आगामी खरीप हंगाममध्ये शेतकऱ्यांना दर्जेदार व गुणवत्तापूर्ण निविष्ठा उपलब्ध व्हाव्या याकरिता किटकनाशके साठवणूक स्थळांची तपासणीसाठी मोहिम राबविण्याचे निर्देश कृषी विभागाने दिले होते. त्याअनुषंगाने अकोला जिल्ह्यात पथके स्थापन करुन दोन दिवसात 63 गोदामांची तपासणी करण्यात आली आहे. (Maharashtra News)
यामध्ये 134 नमुने तपासणीसाठी घेण्यात आले आहे. त्यापैकी 36 कंपन्यांचे 18 कोटी 82 लाख 6 हजार किमतींच्या निविष्ठांची विक्री बंद करण्याचे आदेश देण्यात आले आहेत. तपासणी मोहिममध्ये काही कंपन्यांच्या गोडावून मालकांनी कंपनीचा बोर्ड न लावणे, साठा नोंद वही अद्यावत न ठेवणे, कायद्यातील तरतुदीप्रमाणे लेबल नसणे, काही उत्पादनाचा समावेश परवान्यामध्ये नसणे, साठवणूक स्थळाचा समावेश परवान्यामध्ये नसणे आदी कारणामुळे विक्रीबंद आदेश देण्यात आलेले आहेत.
सर्व शेतकऱ्यांनी आपल्या परिसरात कोणतीही कंपनी अथवा कृषि निविष्ठा विक्रेता यांच्या बाबत तक्रार असल्यास कृषि विभागाच्या कार्यालयाशी संपर्क साधावा, असे आवाहनही कृषी विभागाने केले आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
