Viral Thieves Video : चोरांना पाहून मित्र पळत सुटला; एकाकी पडलेल्या तरुणीला बघून चोराचं हृदयही तुटलं, पुढे काय घडलं?

Viral Video News : चोरीच्या अनेक घटना तुम्ही पाहिल्या असतील. चोरी करताना चोर कुठलीही दया माया दाखवत नाही. चेन स्नॅचिंगच्या घटनांमध्ये तर अनेकदा पीडिताना इजा देखील होते. एका चोरट्यांने अशाच पद्धतीने तरुणीची बॅग चोरली. मात्र अचानक मतपरिवर्तन झाल्याने त्याने ती बॅग तिला परतही केली. या घटनेचा व्हिडीओ सध्या व्हायरल होत आहे.

व्हिडीओमध्ये एक मुलगी आणि मुलगा रस्त्यावरून चालताना दिसत आहे. दरम्यान मागून बाईकवरुन दोन चोरटे येतात. एक चोर या जोडप्याच्या जवळ येतो आणि धमकावून तरुणीची बॅग हिसकावण्याचा प्रयत्न करतो.

तरुणीसोबतचा मुलगा लगेच हात करुन चोरापासून मागे हटतो. चोर जवळ येतात तरुण तरुणीली सोडून तिथून पळ काढतो. घाबरलेली मुलगी तिची हँडबॅग चोराकडे सुपूर्द करते आणि पळून जाणाऱ्या आपल्या जोडीकाराकडे बघत राहते. (Latest Marathi News)

तरुणीसोबतच्या तरुणाच्या अशा कृत्याने चोर सुद्धा चकीत झाला. त्याला तरुणीची कीव येते आणि तो तिची बॅग पुन्हा तिला देऊन टाकतो. परंतु चोर जाण्यापूर्वी तरुणीला एक सल्लाही देताना दिसला. (Viral Video)

ट्विटरवर अकाऊंटवर शेअर केलेला हा व्हिडिओ सोशल मीडियावर व्हायरल झाला आहे. हा व्हिडीओ नेमका कुठला आहे, याची माहितीही अद्याप मिळू शकलेली नाही. रस्त्यावरील सीसीटीव्ही कॅमेऱ्यात ही घटना कैद झाली आहे.