Viral Video: बापाच्या अंत्ययात्रेत मुलाने लावला बँण्ड, तेराव्याच्या दिवशी डिजेवर नाचला; कारण ऐकून सर्वच अवाक

उत्तर प्रदेशचे सुलतानपूरमध्ये एक विचित्र घटना घडल्याचं समोर आलंय. येथे एका मुलाने आपल्या बापाच्या निधनाचा शोक न करता त्यांच्या अंत्ययात्रेसाठी चक्क बँण्ड लावला. इतकेच नाही तर तेराव्याच्या दिवशीही या मुलाने डीजे लावला होता, हे सर्व पाहून अनेकांच्या भुवया उंचावल्या आहेत. बापाच्या अंत्ययात्रेत बँण्ड लावल्याने गावातील सर्वजण आश्चर्यचकित झाले. विशेष म्हणजे बापाच्या अंत्ययात्रेच्यावेळी मुलगा बेभान होऊन नाचत होता. हे पाहून गावकऱ्यांना मोठा धक्काच बसला.

विशेष म्हणजे यावेळी त्याचे मित्रही त्याच्यासोबत नाचत होते. या घटनेचा व्हिडिओ सोशल मीडिया व्हायरल होत आहे.

काय आहे प्रकरण

सोशल मीडियावर व्हायरल होत असलेला व्हिडिओ सुलतानपूर जिल्ह्यातील नगर कोतवाली भागातील आहे. नारायणपूर परिसरातील दुर्गापूर परिसरात राहणारे श्रीरामचे वडील राम किशोर मिश्रा यांचे २० दिवसांपूर्वी निधन झाले होते. राम किशोर मिश्राचं आयुष्य ८० वर्ष होतं. मिश्रा यांचे कुटुंब हे समुद्ध कुटुंब आहे, तरीही त्यांच्या नातेवाईकांनी मिश्रा यांच्या निधनानंतर अंत्ययात्रेसाठी बँण्ड लावला.

राम किशोर मिश्रा यांची अंत्ययात्रा त्यांच्या घरातून निघाली तेव्हा श्रीराम याने बँड वाजवण्यास सुरुवात केली. अंत्ययात्रेच्या वेळी श्री राम बँडच्या तालावर नाचू लागला. त्याच्यासोबत त्याचे मित्रही नाचू लागले. अंत्ययात्रा बाजारातून जात असताना हे बँण्ड आणि नाचण्याचं दृश्य बाजारातील सर्व नागरिक आश्चर्यचकित झाले होते. विशेष म्हणजे अंत्ययात्रेतील बँण्ड वाजणाऱ्यावर श्रीराम नोटा उधळत होता.

अंत्ययात्रेत बँण्ड वाजवल्यानंतर श्रीराम याने अंत्यसंस्काराच्या मेजवानीच्या वेळी डीजेची व्यवस्था केली होती. मुलगा श्रीराम सह इतर नातेवाईकही शोक न मानता निधनाचा जल्लोष करत होते.

का बँण्ड लावला?

मुलगा श्रीराम बँण्ड लावण्यावर म्हणाला की, मृत्यूही जीवनाचा एक भाग आहे. त्यामुळे आपण निधनाच्या घटनेलाही त्याच पद्धतीने घेतलं पाहिजे. अंत्ययात्रेत आपण रडून मृत व्यक्तीला निरोप दिला तर त्यांच्या आत्म्याला त्रास होत असतो. जो व्यक्ती आपले कर्तव्य करून मरण पावतो तर ते चांगले असते, असेही श्रीराम मिश्रा म्हणाले.