सोशल मीडियावर रोज अनेक व्हिडिओ व्हायरल होत असतात. त्यात अनेक व्हिडिओ हे खाद्यपदार्थांचे असतात. अनेक फूड व्लॉगर स्ट्रीट फूडचे व्हिडिओ बनवतात आणि सोशल मीडियावर शेअर करतात. त्यात अनेकदा मॅगी, मिल्कशेक, डोसा या पदार्थांचे व्हिडिओ असतात.
सोशल मीडियावर मॅगीचे अनेक व्हिडिओ व्हायरल होत असतात. त्यात कोलड्रिंक मॅगी, रसना मॅगी , चॉक्लेट मॅगी असे वेगवेगळे पदार्थ पाहायला मिळाले आहेत. परंतु तुम्ही कधी दूधवाली मॅगी पाहिली आहे का? सोशल मीडियावर सध्या दूध आणि कॉफी मॅगीचा व्हिडिओ व्हायरल होत आहे. (Viral News In Marathi)
सोशल मीडियावर व्हायरल होणाऱ्या व्हिडिओत एका स्ट्रीट फूड विक्रेत्याने कॉफी असलेली मॅगी बनवली आहे. त्यात मॅगी विक्रेता सर्वप्रथम एका पॅनमध्ये दूध टाकतो. त्यानंतर त्यात मॅगी टाकतो. त्यावर टॉमेटो आणि मॅगी मसाला टाकून मिक्स करतो. यानंतर त्यात कॉफी पावडर टाकतो. हे सगळं व्यवस्थित मिक्स करु घेतो. त्यानंतर त्यात हळद, मिरची पावडर टाकून शिजवून घेतो. त्यानंतर ही मॅगी एका डिशमध्ये सर्व्ह करतो. मॅगीच्या या रेसिपीचा व्हिडिओ सोशल मीडियावर प्रचंड व्हायरल होत आहे.
hnvstreetfood या एक्स अकाउंटवरुन हा व्हिडिओ शेअर करण्यात आला आहे. या व्हिडिओवर लाईक्स आणि कमेंट्सचा वर्षाव होत आहे. 'देव तुम्हाला माफ करणार नाही', 'ही मॅगी नव्हे तर विष आहे'. 'ही अशी मॅगी खाऊन लोक आजारी पडतील', अशा कमेंट्स या व्हिडिओवर आल्या आहेत
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.