Viral Video : मगरीच्या जबड्यात त्याने डोकं ठेवलं; पुढे जे घडलं ते भयंकरच, काळजाची धडधड वाढवणारा VIDEO व्हायरल

अनेक व्यक्तींना प्राणी आवडतात. मुक्या जनावरांना बोलता येत नाही मात्र त्यांना देखील भावना असतात. प्राण्यांवर प्रेम असल्याने अनेक व्यक्ती त्यांना पाळतात. पाळीव प्राणी घरी पाळणे किंवा त्यांच्याबरोबर वेळ घालवणे, मजा मस्ती करणे ठीक आहे. मात्र अलीकडे हिंस्त्र प्राण्यांना पाळण्याचा क्रेझ सुरू आहे. अनेक व्यक्ती असे हिंस्त्र प्राणी पाळतात. तसेच त्यांच्याबरोबर काही अतरंगी स्टंट करतात. आजवर असे अनेक व्हिडिओ सोशल मीडियावर व्हायरल झाले आहेत.

सध्या व्हायरल होत असलेल्या व्हिडिओमध्ये देखील तुम्ही पाहू शकता की, एका व्यक्तीने मगर पाळली आहे. मगर घेऊन तो स्वतः तिच्यासोबत स्टंट करत आहे. कितीही केलं तरी मगर हिंस्त्र आहे, ती मांस खाते. मात्र सोशल मीडियावर हीट होण्यासाठी आणि व्हायरल होण्यासाठी कोण काय करेल आणि काय नाही याचा काही नेम नाही. या व्यक्तीने देखील असाच काळजात धडकी भरवणारा स्टंट केला आहे.

व्हिडिओमध्ये तुम्ही पाहू शकता की, त्याने जमिनीवर एक मगर ठेवली आहे. त्यानंतर तो या मगरीवर बसतो. तसेच तिचा जबडा आपल्या हाताने उघडतो. आता व्यक्ती कितीही स्टंट करण्याच्या विचारात असला तरी मगरीच्या जबड्यात कोणी वेडा माणूसच स्वतःचं डोकं देईल. मगर आपल्याला काहीच करू शकत नाही. मी मृत्यूला देखील टच करून परत येतो. अशा विचारात हा व्यक्ती आहे.

व्हिडिओमध्ये पुढे तुम्ही पाहू शकता की तो खरोखर आपलं डोकं मगरीच्या जबड्यात ठेवतो. त्याने डोकं ठेवल्याबरोबर मगर जबडा बंद करते आणि होत्याचं नव्हतं होतं. जबडा बंद केल्यावर त्या व्यक्तीला स्वताच्या हाताने मगरीचा जबडा खोलता येत नाही. तितक्यात हे सर्व पाहण्यासाठी रस्त्यावर जमा झालेल्या व्यक्ती त्याच्याकडे धाव घेतात. त्याला मगरीच्या तावडीतून सोडवण्याचा प्रयत्न करतात.

@secondbrforedisaster या ट्विटर अकाउंटवर हा व्हिडिओ पोस्ट करण्यात आला आहे. आता हा व्हिडिओ सोशल मीडियावर तुफान व्हायरल होत आहे. नेटकऱ्यांनी देखील या व्हिडिओवर अतरंगी आणि हास्यास्पद कमेंट केल्यात. या व्यक्तीचे पुढे काय झाले? तो मगरीच्या तावडीतून सुटला की नाही? याबाबत अजून काहीच माहिती समजलेली नाही.