Veg Non Veg Panipuri: काय सांगता! चिकन आणि कोळंबी पाणीपुरी...; मिळतेय तरी कुठे व्हिडीओमध्ये पाहा

Veg Non Veg Panipuri Video:

पाणीपुरी लहान, मोठे अशा सर्वांच्याच आवडीची असते. पाणीपुरी नाव जरी ऐकलं तरी अनेकांच्या तोंडाला पाणी सुटतं. अशात तुम्ही कधी नॉनव्हेज आणि व्हेज पाणीपुरी खाल्ली आहे का? (Latest Panipuri News)

पाणीपुरीमध्ये बटाटा किंवा रगडा टाकला जातो. म्हणजे पाणीपुरी शक्यतो व्हेज आहे असं अनेक जण म्हणतील. मात्र एका व्यावसायिकाने आपलं स्वतःचं व्हेज आणि नॉनव्हेज पाणीपुरीचं दुकान सुरू केलं आहे.

या व्यक्तीने व्हेजमध्ये पनीर आणि विविध भाज्यांची पाणीपुरी ठेवली आहे. तर नॉनव्हेजमध्ये चिकन आणि कोळंबी पाणीपुरी बनवली आहे. अनेक खवय्ये त्यांची ही हटके पाणीपुरी खाण्यासाठी येथे गर्दी करत आहेत.

तामिळनाडूमधील तिरुवनमीयुर आरटीओ बीच, बेसंत नगर बीच येथे ही व्हेज आणि नॉनव्हेज पाणीपुरी मिळते. @exprolingbydani या इंस्टाग्राम अकाऊंटवर हा व्हिडीओ पोस्ट करण्यात आला आहे. सध्या हा व्हिडीओ सोशल मीडियावर तुफान व्हाराल होतोय. काहींना पणीपुरीची ही कन्सेप्ट फार आवडली तर अनेकांनी यावर हास्यास्पद प्रतिक्रिया दिल्या आहेत.

पाणीपुरीच्या दुकानावर खवय्यांची नेहमीच झुंबड पाहायला मिळते. मात्र अशी पाणीपुरी पाहून अनेकांनी यावर संतापही व्यक्त केला आहे. प्रत्येक पदार्थाची एक वेगळी चव असते. ही चव बिघडल्यास तो पदार्थ खावासा वाटत नाही. अशात सोशल मीडियावर सध्या कोणत्याही पदार्थात काहीही टाकून खाल्ले जाते. त्यामुळे खवय्ये संताप व्यक्त करत आहेत.