Viral Video: खाकी वर्दीतील देवदूत! भिकारी व्यक्तीला भरवले आईस्क्रीम, व्हिडिओ पाहून डोळे पाणावतील

Street Beggar Help: पोलिसांबाबत नागरिकांच्या मनात विविध भावना असतात. पोलीस नेहमी अंगावर वर्दी असल्यावर नागरिकांवर आवाज वाढवून बोलत असतात असे अनेकांचे विचार आहे. मात्र, खाकी वर्दीतही माणुसकी दडलेली असते याचे अनेक उदाहरणे अनुभवायला मिळत असतात.

मुंबईच्या डिलाईन रोड परिसरात देखील वाहतूक पोलिसांच्या एका कृतीमुळे खाकी वर्दीतील माणुसकी पाहायला मिळत आहे. त्याच्या या कृतीचे सर्व स्तरातून कौतुक देखील होत आहे. सध्या डिलाईन रोड परिसरातील एक व्हिडिओ सोशल माध्यमातून प्रचंड व्हायरल(Viral) होत आहे

वृद्ध व्यक्तीच्या मदतीला धावला पोलिस

या व्हिडिओमध्ये घडते असे की, वाहतूक पोलीस रस्त्यावर मागून खाणाऱ्या वृद्ध नागरिकाला एका डेअरीसमोर आईस्क्रीम खायला घालताना दिसून येत आहे. रस्त्याने अन्य लोक त्या दोघांकडे पाहत असताना व्हिडिओत दिसत आहे. सध्या हा व्हिडिओ सोशल माध्यमात प्रचंड व्हायरल होत असून नागरिक या पोलिसाच्या कृतीचे कौतुक करत असताना देखील दिसून येत आहे

पोलिसाच्या प्रेमळ कृतीचे सर्वत्र कौतुक

हा छोटासा क्षण एका नागरिकाने मोबाईलमध्ये शूट केला आणि सोशल मीडियावरही शेअर केला आहे. काही तासांतच या व्हिडिओने(Video) साऱ्यांचं लक्ष वेधून घेतलं. "ही खरी माणुसकी आहे", "खाकी वर्दीतील देवमाणूस" तर "जगात अजूनही चांगुलपणा जिवंत आहे", अशा अनेक प्रतिक्रिया नेटकरी वर्गातून आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.