धावत्या ट्रेनमध्ये चोरी करुन चोर लटकलेला अन् प्रवाशांनी घेतला कायदा हातात; पुढे काय घडले पाहा

Shocking Video: चोरी करणं गुन्हा आहे आणि त्यासाठी शिक्षा होणं देखील योग्य आहे. पण, चोरी करणारा पकडला गेला म्हणून त्याला जीवे मारण्याचा अधिकार कोणालाच नाही. अशीच एक मन सुन्न करणारी घटना नुकतीच एका एक्सप्रेस ट्रेनमध्ये घडली. एका तरुणाने चोरी केल्याचा आरोप होताच प्रवाशांनी त्याला पकडलं, तो घाबरून पळाला आणि थेट ट्रेनच्या दरवाजातून बाहेर लटकला. त्यावेळी त्याला वाचवण्याऐवजी काही जणांनी त्याच्या हातावर, डोक्यावर मारत ठेवले जणू काही त्याच्या मृत्यूचीच वाट पाहत होते.

घटना कशी घडली?

ही घटना नेमकी कुठली आहे ते अद्याप समजले नाही. एक तरुण चोरी करत असल्याचा संशय एका प्रवाशाला आला. त्याने अन्य प्रवाशांना बोलावून त्या तरुणाला पकडण्याचा प्रयत्न केला. पकडले गेल्यावर तरुण घाबरला आणि ट्रेन(Train) सुरू असताना दरवाजातून बाहेर लटकला. त्याचे पाय ट्रेनमध्ये होते आणि संपूर्ण शरीर बाहेर. दरम्यान दरवाजात उभ्या असलेल्या प्रवाशाने चोराला वाचवण्या ऐवजी धावत्या ट्रेनमधून लाथा मारु लागला. शेवटी त्या चोराने बाहेर उडी मारली.

हा सर्व प्रकार कॅमेऱ्यात कैद झाला असून सोशल मीडियावर सध्या प्रचंड व्हायरल होत आहे. काही जण केवळ मजा म्हणून किंवा रागाच्या भरात त्या तरुणाच्या मृत्यूला निमंत्रण देत आहेत. कोणत्याही गुन्ह्याला शिक्षा ही असावीच लागते. मात्र ती कायद्यानं दिली पाहिजे, जमावाच्या क्रोधातून नव्हे.

सर्व व्हिडिओ (Video)सध्या एक्स या सोशल मीडिया प्लॅटफॉर्मवरच व्हायरल होत असून एक्सवरील @mktyaggi या अकाउंटवर अपलोड करण्यात आलेला आहे. व्हिडिओ अपलोड करताच नेटकरी वर्गातून अनेक प्रतिक्रिया आलेल्या आहेत. एका यूजरने म्हटलं,''काय पाहाव लागतं'' तर दुसऱ्या यूजरने म्हटलं,''असं नको करायला पाहिजे होते'' अशा अनेक प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.