अबब! एक वर्षाच्या चिमुकल्याच्या चाव्यानं कोब्रा ठार

Bihar Incident: सामान्यत साप चावल्याची घटना ऐकली की सर्वांच्याच अंगावर काटा येतो. पण बिहारमधील बेतिया येथे घडलेली घटना ऐकून तुम्हालाही विश्वास बसणार नाही. चक्क एका वर्षाच्या बाळाने विषारी कोबऱ्याला चावलं आणि आश्चर्यकारकरीत्या त्या चाव्यामुळे सापाचा जागीच मृत्यू झाला. ही घटना संपूर्ण परिसरात चर्चेचा विषय बनली आहे.

काय घडलं नेमकं?

बेतिया जिल्ह्यातील एका खेडेगावात ही घटना घडली. एक वर्षाचा बालक अंगणात खेळत असताना त्याच्या जवळ एक विषारी कोबरा सरपटत आला. बाळाला साप म्हणजे धोका हे कळत नव्हतं. त्याने सापाला (Snake) खेळण्याचं समजून हातात घेतलं आणि त्याच्या अंगावर चावलं.

सापाच्या चाव्यामुळे बाळाला थोडंसं बेशुद्ध वाटू लागलं आणि मग कुटुंबीयांनी त्याला तात्काळ जवळच्या रुग्णालयात नेलं. डॉक्टरांनी सर्व तपासण्या केल्या मात्र बाळाला काही झाले नव्हते. सध्या हा व्हिडिओ (Video) सोशल मीडियावर वाऱ्याच्या वेगाने व्हायरल झालेला आहे.

ही घटना घडल्यानंतर संपूर्ण गावात खळबळ माजली आहे. लहान बाळ आणि साप यांच्यात झालेला हा संघर्ष ऐकून आणि पाहून अनेक गावकरी अचंबित झाले आहेत. काहींनी ही घटना चमत्कार मानली, तर काहींनी ती निसर्गाचा विचित्र नमुना मानला. गावातील ज्येष्ठ नागरिकांनी सांगितलं की,''अशा प्रकारची घटना आमच्या जन्मातही पाहिली नव्हती'' तर काहींनी म्हटलं की,'' काहीही होऊ शकत आता'' अशा अनेक प्रतिक्रिया आलेल्या आहेत.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.