Pune Viral News : पुणेरी पाट्यांची जगभर चर्चा असते. पुणेरी पाट्यांच्या माध्यमातून पुणेकर ज्यापद्धतीने टोमणे मारतात, ते सहजासहजी कुणालाही शक्य होत नाही. ते कसब पुणेकरांमध्येच असतं असं म्हटलं जातं.
मात्र पुण्यातील एका तरुणाने हातात बॅनर घेत पुणेकर महिलांनाच टोमणा मारला आहे. त्याचा व्हिडीओ सध्या सोशल मीडियावर व्हायरल होत आहे. (Pune News)
इंस्टाग्रामवर तुम्ही विविध विषयाला घेऊन शेकडो रिल्स बघितल्या असतील. पुण्यातील एका तरुणाने थेट तुळशीबागेत जाऊन एक रिल्स तयार केलं आहे. पवन वाघुलकर असं या तरुणाचं नाव आहे. (Latest Marathi News)
पवनने हातात बॅनर घेत पुणेरी स्टाईलमध्ये 'पुण्यातील बायका तुळशीला कमी, तुळशीबागेला जास्त फेऱ्या मरतात', असा खोचक टोला लगावला आहे. तरुणाने तुळशीबागेत जाऊन हातात पोस्टर घेऊन उभं राहून हा व्हिडीओ शूट केला आहे.
एका काकांनी तर त्याच्या डेअरिंगला दाद देत त्याला हात मिळवत अभिनंदन केलं. पवनने बनवलेल्या रिल्सला आतापर्यंत 6 लाखांहून अधिक जणांना लाईक केलं आहे. तर 5.8 मिलियन लोकांनी हा व्हिडीओ पाहिला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.