Woman Dance Video: नऊवारी साडी नेसून मुंबईच्या शिवकन्या महिलांनी केला "तो चक चक सोन्याचा" गाण्यावर डान्स; व्हिडीओ व्हायरल

अवघ्या दोन दिवसात गणपती बाप्पाचे आगमन होणार आहे. गणपती बाप्पााच्या स्वागताची सर्वत्र रेलचेल सुरू आहे. सोशल मीडियावर गणपती सजावट, गाणी, डान्स यांचे अनेक व्हिडीओ सध्या तुफान व्हायरल होत आहेत. अशातच महिलांच्या डान्सचा व्हिडीओ लक्ष वेधून घेत आहे. मुंबईतील महिला ग्रुपने गणपती बाप्पाच्या स्वागतासाठी खास डान्स केला आहे.

चिंचपोकळीतील शिवकन्या ग्रुपच्या महिलांनी गणेशोत्सवानिमित्त एक व्हिडीओ शेअर केला आहे. जो सोशल मीडियावर जबरदस्त व्हायरल होत आहे. अप्रतिम डान्स, सुंदर असा साज महिलांनी केला आहे. 'तो चक चक सोन्याचा' या गाण्यावर या महिलांनी केलेला डान्स लक्षवेधी ठरला आहे.

व्हायरल होत असलेल्या व्हिडीओमध्ये तुम्ही पाहू शकता की मराठमोळ्या अंदाजात महिलांनी सुंदर असा डान्स केला आहे. सेम स्टेप्समध्ये या महिला 'तो चक चक सोन्याच्या' या गाण्यावर ठेका धरताना दिसत आहे. १२ महिलांचा हा ग्रुप आहे. रंगीबेरंगी नऊवारी साड्या या महिलांनी परिधान केल्या आहेत. ज्यावर त्यांनी हातात हिरव्या बांगड्या, कपाळी टिकली, केसांची स्टाईल असा लूक केला. या व्हायरल व्हिडीओवर लाखो नेटकऱ्यांनी लाईक्स दिले आहेत. कामाच्या धावपळीतून स्वत: साठी वेळ देत या महिलांनी डान्स सादर केल्याचं सोशल मीडियावर विशेष कोतुक होत आहे.