Girls Fighting : एकमेकींच्या झिंज्या उपटल्या, जमिनीवर पाडून धूधू धुतलं; कॉलेजबाहेर तरुणींचा तुफान राडा, पाहा VIDEO

झारखंडमधील जमशेदपूर येथे कॉलेजबाहेर मुलींमध्ये तुफान हाणामारी झाली आहे. कॉलेजच्या बाहेर रस्त्यावर मुलींनी राडा केला आहे. या हाणामारीचा व्हिडीओ सोशल मीडियावर चांगलाच व्हायरल झाला आहे. विद्यार्थीनीच्या या कृत्याने सर्वानाच धक्का बसला आहे.

जमशेदपूर येथील परसुडीह पोलीस स्टेशन परिसरातील एसपी इंटर कॉलेजमध्ये या मुली शिकत आहे. मधली सुट्टीदरम्यान बाहेर कॉलेजच्याबाहेर या मुलींमध्येच मारामारी झाली आहे. कॉलेच्या गणवेशात या मुली दिसत आहे. पहिल्यांदा काही मुलींनी एकमेकींशी हुज्जत घातली. नंतर एकमेकींचे केस ओढत चपला फेकून मारल्या आहेत. व्हायरल होत असलेल्या व्हिडीओमध्ये तुम्ही पाहू शकता, १० ते १५ मुलींमध्ये ही हाणामारी झाली आहे. मुलींमध्ये मारामारी नेमकी कोणत्या कारणामुळे झाली हे अद्याप स्पष्ट झाले नाही.

विद्यार्थींनीच्या या भांडणामध्ये कोणीही मध्यस्ती केलेली दिसत नाही. दरम्यान स्थानिक लोकांनी जेव्हा हे पाहिले तेव्हा ते देखील हादरले. कॉलेज व्यवस्थापनाला या संपूर्ण प्रकाराची माहिती देण्यात आली आहे. यावेळी काही शिक्षकांनी घटनास्थळी जाऊन परिस्थिती शांतपणे हाताळली. दरम्यान हाणामारी केलेल्या विद्यार्थिनींना ताब्यात घेऊन या प्रकरणाची चौकशी केली जाणार असल्याची माहिती मिळाली आहे.