रस्त्याच्या मधोमध रोमँटिक सरप्राइज! तरुणाने बायकोसाठी केलेला डान्स पाहून सर्व थक्क

Trending Video: बऱ्याचदा आपण सिनेमांमध्ये किंवा सोशल मीडियावर पाहतो की लोक आपलं प्रेम व्यक्त करण्यासाठी भन्नाट पद्धतीने सरप्राइज देतात. मात्र, नुकताच एक असा व्हिडीओ समोर आला आहे, ज्यामध्ये एका नवऱ्याने आपल्या बायकोसाठी भर रस्त्यावर जोरदार आणि उत्साही डान्स करत तिला खास फिल दिलं. हा व्हिडिओ सध्या सोशल मीडियावर जोरदार व्हायरल होत आहे आणि लोक या प्रेमळ जोडीचे कौतुक करत आहेत.

ही घटना भारतातील एका शहरात घडली असून, एका तरुणाने आपल्या बायकोसाठी तिच्या वाढदिवसाच्या दिवशी भर चौकात अचानक डान्स (Dance) करत सगळ्यांचं लक्ष वेधून घेतलं. बायकोसोबत रस्त्यावरून जात असताना अचानक त्या परिसरात गाणं वाजू लागतं मग काय त्याने जोरदार नाचायला सुरुवात केली.

त्याच्या डान्समधून दिसणारा उत्साह, चेहऱ्यावरील प्रेमळ हावभाव आणि बायकोसाठी केलेली खास मेहनत पाहून बघणाऱ्यांची मनं जिंकली. आसपासचे लोकही या दृश्याने थबकले आणि अनेकांनी त्याचा व्हिडिओ आपल्या मोबाईलमध्ये शूट केला.

हा व्हिडिओ (Video) सोशल मीडियावर पोस्ट केल्यानंतर काही तासांतच हजारो लोकांनी तो पाहिला, शेअर केला आणि त्यावर प्रेमळ कमेंट्सही केल्या आहेत. अनेकांनी लिहिलं की, "असं प्रेम प्रत्येकाच्या नशिबात असावं", तर काहींनी म्हटलं की, "बायकोसाठी इतकं प्रेम उघडपणे दाखवणं ही मोठी गोष्ट आहे." काही सोशल मीडिया युजर्सनी त्याच्या डान्स मूव्ह्जचंही कौतुक केलं आणि लिहिलं की, "प्रेमामध्ये वेडेपणा गरजेचा असतो, आणि या नवऱ्याने त्याचा पुरेपूर दाखला दिला.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.